Nothing është gati të lansojë modelin pasardhës të Nothing Phone 1 muajin e ardhshëm.
Dizajni i Nothing Phone 2 dhe disa nga specifikimet kryesore tashmë janë paralajmëruar nga kompania. Tani, në zhvillimin më të fundit, CEO i kompanisë Carl Pei ka ndarë dizajnin e kabllos së karikimit që do të vijë së bashku me Nothing Phone 2, transmeton Telegrafi.
Disa ditë më parë kompania zbuloi gjithashtu se ‘smartfoni’ i ardhshëm do të pajiset me një Snapdragon 8+ Gen 1 SoC dhe një bateri 4700 mAh.
CEO i Nothing, Pei ka zbuluar dizajnin e kabllos së ardhshme të karikimit të modelit Nothing Phone 2 përmes Twitter-it.
Kablloja e USB e tipit C do të ketë një shtresë të jashtme transparente me një port USB me ngjyrë argjendi.
Porti mund të shihet se ka markë “Nothing”.
