Hashim Thaçi, ish-president i Kosovës, ka dhënë një intervistë të gjatë për gazetën Nacionale nga Haga, ku po vazhdon të qëndrojë si i paraburgosur i Gjykatës Speciale.
Në pyetjen e gazetarit Berat Buzhala për ikjen e qytetarëve nga Kosova, Thaçi e ka cilësuar si shqetësuese dhe një gjë që paraqet alarm.
“Largimi i të rinjve dhe familjeve të tëra nga Kosova është shqetësues dhe paraqet alarm.
Njerëzit nuk largohen pse nuk e duan atdheun, por nga mungesa e mundësive për jetë më të mirë. Me këtë trend, shumë shpejt, në pak vite, mund të kemi proporcionin e mbi gjysmës së qytetarëve kosovarë që jetojnë në Diasporë.” – theksoi z. Thaçi.
“Nuk duhet vetëm ankuar apo vajtuar largimin e tyre, por krijimin e kushteteve për frendim apo zvogëlimin e këtij fenomeni. Por, askush nuk duhet të mendojë se largimin e njerëzve për në Diasporë mund ta ndalë tërësisht.” – vazhdoi Thaçi.
