Ideja e çmendur e Beckham, Ronaldo e Messi në një skuadër

Inter Miami po ndjek nga afër situatën e Cristiano Ronaldos te Al Nassr dhe nuk e përjashton një lëvizje befasuese në të ardhmen.

Klubi amerikan, i udhëhequr nga David Beckham, ka ambicien të sjellë portugezin në MLS dhe ta bashkojë me Lionel Messin në të njëjtin ekip.

Operacioni konsiderohet i vështirë për shkak të aspektit financiar dhe kontratës aktuale të Ronaldos, por interesimi ekziston. Një transferim i tillë do të kishte ndikim të jashtëzakonshëm sportiv dhe mediatik, duke e kthyer Inter Miamin në epiqendër të futbollit botëror.