Real Madridi raportohet se është i vendosur që në muajin janar të blejë një sulmues.
Sipas medieve spanjolle, ylli argjentinas i Galatasarayt, Mauro Icardi është objektiv i “Los Blancos”.
Argjentinasi, i cili po shkëlqen tek klubi i famshëm turk, qysh në muajin e ardhshëm mund të bëjë hapin gjigant në karrierën e tij duke iu bashkuar Real Madridit.
Krerët e skuadrës “merenguese” thuhet se tashmë janë duke u përgatitur për të nisur negociatat me agjentin e lojtarit për transferimin e Icardi në Madrid.
Real Madridi akoma nuk e ka gjetur pasuesin e Karim Benzema-s, i cili gjatë verës që lamë prapa u transferua në Arabinë Saudite.
Icardi nga madrilenët shihet lojtar ideal për të zëvendësuar Benzema-n, edhe pse është pak e besueshme se Galatasaray do të heq dorë nga ylli i tyre.
Muaji janar me gjasë do të jetë i “nxehtë” për Icardin. /RTK/
