Kryeministri i Kosovës, Albin Kurti është deklaruar rreth votimit të Byrosë së Konfiskimit të Pasurisë së Pajustifikueshme.

Përmes një publikimi në rrjetin social “Facebook”, ai falënderoi secilin e secilën nga 66 deputetët që votuan pro këtij ligji, që sot kaloi edhe në lexim të dytë.

Kuvendi / Me 66 vota pro, Kuvendi e kalon Byronë e konfiskimit të pasurisë
Nga këta 66 deputetë, 6 sosh ishin nga radhët e Lidhjes Demokratike të Kosovës, parti kjo opozitare.

PDK e AAK ndërkaq, votuan kundër.

“Pasuria e fituar por që nuk arrin të justifikohet është përfitim i padrejtë, është padrejtësi, madje e tillë që thellon pabarazitë. Konfiskimi i saj është kompensim për shoqërinë, është drejtësi”, shkroi ndër tjerash ai.

Më poshtë edhe postimi i plotë: