I riu nga komuna e Vushtrrisë, Arbër Kosumi, është rikthyer nga Franca për të investuar në bujqësi në vendlindjen e tij.
Ai tregon për sfidat dhe problemet me të cilat është ballafaquar teksa me mundësi vetanake ka investuar që të bëjë mundshëm zhvillimin e një biznesi individual në një fshat ku mungon së pari rruga, e pastaj energjia elektrike.
Dashuria për vendlindjen e ka shtyrë atë për t’u kthyer në vendlindje, në kohën kur moshatarët e tij po bëjnë të kundërtën.
Një vit më parë ai u kthye nga Franca në vendin ku kishte lindur në Skoçne të Vushtrrisë, por ideja për të hapur një biznes në fshat nuk i eci aq mirë në mungesë të energjisë elektrike.
“Shtallën dhe këtë rrethojë të gjitha i kam punuar në mundësi të mia pa ndihmën e askujt, duke menduar që të bëjë një biznes të vogël, fermë e pulave apo zogjve ” thotë ai për Atv.
“Fshati ka nevojë për infrastrukturë, rruga është në gjendje jo të mirë”, thotë ai.
