I qetë dhe sportiv, Edi Rama shkon në selinë e PS-së

Teksa rezultatet e deritanishme nga KQZ-ja e nxjerrin Partinë Socialiste fituese absolute të zgjedhjeve të 11 majit, Edi Rama ende nuk pranon të bëjë një koment për këtë.

Pak para orës 11:00 të së hënës, kryeministri shqiptar është rikthyer në selinë e Partisë Socialiste. I veshur sportiv dhe në dukje mjaft i qetë, ai nuk ka pranuar të japë asnjë koment i pyetur nga gazetarët për rezultatet e deritanishme.

Me 1819 kuti të numëruara nga 5225 në total, sipas KQZ-së, PS-ja ka arritur të marrë 52 përqind të votave, konvertuar në mandate janë 83.