- Advertisement -
Në një moment kur Serbia po tronditet nga protesta masive, presidenti Aleksandar Vuçiq zgjodhi të kthejë fjalimin e tij të fundit në një shfaqje të pastër nacionalizmi, duke përsëritur pretendimet e tij iluzore për Kosovën si pjesë të pandashme të Serbisë.
“Ne kemi vetëm një Serbi, vetëm një atdhe, dhe nuk do ta japim askujt, as Kosovën, as Serbinë në tërësi, nuk do ta japim askujt, as atyre që janë të paguar nga jashtë, as të tjerëve që mendojnë se mund të na e marrin shtetin”, deklaroi Vuçiq.
Qeveria e Serbisë është nën presion protestash të mëdha në mbarë vendin si përgjigje ndaj shembjes së çatisë së një stacioni treni, e cila shkaktoi vdekjen e 15 personave në qytetin verior të Novi Sadit.
