Janë zbuluar mesazhet e fundit të ish-këngëtarit të “One Direction”, Liam Payne, përpara se të gjente vdekjen tragjike pasi ra nga ballkoni i hotelit ku po qëndronte.
Sipas mesazheve të dërguara nga Liam në aplikacionin “WhatsApp”, 31-vjeçari dyshohet se i ofroi 5000 dollarë një eskorte për t’u “argëtuar” në dhomën e hotelit.
Mesazhet e vëna në dispozicion të prokurorëve dhe të publikuara nga gazetari argjentinas Mauro Szeta në faqen e internetit “VíaSzeta” tregojnë se Payne i shkruan vajzës:
“Kam gjithë ditën… Do të të bëja një dhuratë prej 5000 dollarësh. Ti eja në hotelin tim, bëjmë një festë, vetëm unë dhe ti”.
Një punonjës hoteli më pas zbuloi se këngëtarja e pyeti se ku mund të merrte kokainë menjëherë pas check-in-it, një kërkesë që u refuzua, duke shkaktuar zemërimin e tij.
Konkretisht, kreu i recepsionit, Esteban Grassi, tha se kishte marrë një mesazh nga një kamerier, Santiago Benitez, të hënën, më 14 tetor, pas një debati që pati me Liam Payne ndërsa i linte një shportë frutash në dhomën e tij.
“Ai më ftoi në dhomën e tij dhe më pyeti nëse mund t’i sillja kokainë. Unë u përgjigja “Më falni zotëri, por as unë dhe asnjë nga stafi nuk mund t’ju ndihmojmë në këtë lloj shërbimi” dhe më pas ai më tha se isha i padobishëm dhe se duhet t’i ikja nga sytë. U ndjeva pak i frikësuar, pasi mënyra e tij nuk ishte shumë e sjellshme ”, tha Santiago Benitez.
