I jepet lamtumira e fundit ish komandantit të UÇK-së, Gani Imerit

Me nderime të larta shtetërore, i është dhënë lamtumira e fundit Komandantit të Ushtrisë Çlirimtare të Kosovës, Gani Imeri.

I pari i komunës së Vushtrrisë, Ferit Idrizi i cili ishte edhe organizues i mbledhjes komemorative në nderim të jetës dhe veprimtarisë së komandant Imerit, tha se ai do mbetet emblema e Vushtrrisë dhe shembulli i burrështetasit të guximshëm.

Pas mbledhjeve komemorative, Imeri i cili njëherësh ishte edhe biznesmen i njohur u varros në fshatin e tij, Dumnicë e Vushtrrisë, i përcjellur nga qindra qytetarë e figura të ndryshme publike.