I caktohet masa “arrest në burg” 17 vjeçarit që aksidentoi për vdekje dy turistë italianë

I është caktuar masa “arrest në burg” 17 vjeçarit  që dyshohet se shkaktoi aksidentin që la të vdekur dy turistë italianë në Sarandë.

Seanca e tij është mbajtur në ambientet e spitalit, pasi i mituri është nën kujdesin e mjekëve, raporton Abcnews.al.

Prokurorja e çështjes kërkoi caktimin e masës së sigurimit “Arrest në burg” për veprat penale “shkelje e rregullave të qarkullimit rrugor” kur nga vepra penale është shkaktuar vdekja ose plagosja e rëndë e disa personave dhe “drejtim i automjetit në mënyrë të parregullt”.