Sot në media është publikuar draft-statuti i Asociacionit të cilin ekipi menaxhues e kishte propozuar më 2 maj në Bruksel.
Këtë draft-statut menjëherë e kishte refuzuar pala kosovare.
Kryeministri i Kosovës, Albin Kurti ka thënë së ekziston një dëshirë e madhe për krijimin e një ‘Republike Serbe’ në Kosovë, dhe se kjo nuk është e mundur të ndodhë.
Si shkak i kësaj, Kurti ka dhënë një propozim të ri, se si mund të rregullohet çështja e komuniteteve në Kosovë.
Lidhur me publikimin e draft statutit të Asociacionit ka folur ish-kryenegociatori i Kosovës në dialog me Serbinë, Skender Hyseni.
Hyseni, ka thënë se ky projekt-statut i propozuar është tërësisht i papranueshëm, pasi që siç thotë ai do ta bënte Kosovën shtet jo funksional.
Sipas tij, Qeveria e Kosovës nuk guxon asesi ta pranojë të njëjtin.
“Aq sa mund të kuptohet nga raportimet në media, projekt-statuti i prezantuar në Bruksel, në pjesën e tij thelbësore është tërësisht i papranueshëm. Rrjedhimisht pranimi i këtij propozimi do t’a bënte Kosovën shtet tërësisht jofunksional, ose më mirë të themi do ta zhbënte Kosovën si organizim shtetëror e kushtetues! Kështu që, qeveria e Kosovës nuk guxon të pranojë, dhe nuk e besoj assesi që do ta pranonte zhbërjen e shtetit”, është shprehur Hyseni.
Gjatë ditës së djeshme kryetari i Kuvendit të Kosovës, Glauk Konjufca ka thënë se nëse Bashkimi Evropian nuk mendon se zgjidhja për Asociacionin duhet të jetë brenda sistemit kushtetues dhe ligjor të Kosovës, atëherë Kosova s’ka çka kërkon më në dialog.
E nëse sipas Konjufcës procesi i dialogut e ka si çmim shkatërrimin e themeleve të shtetit të Kosovës, sipas tij është më mirë të thuhet “mirupafshim nga ky proces”.
Por, Hyseni thotë se nuk sheh asnjë arsye që Qeveria e Kosovës të “kërcënojë”, me tërheqje nga dialogu.
Kjo, pasi që siç thotë ai Qeveria përkundrazi duhet të insistojë në diskutime rreth statutit të Asociacionit por gjithmonë brenda kornizave ligjore kushtetuese.
“Autoritetet e BE-së kanë thënë se ky propozim do të jetë pikënisje e diskutimit për statutin e asociacionit, dhe, unë këtu nuk shoh asnjë problem e edhe me pak shoh arsye që qeveria e Kosovës të “kërcënojë” me tërheqje nga dialogu. Përkundrazi, qeveria duhet të insistojë në diskutime intensive rreth statutit të asociacionit, duke qëndruar brenda kornizave ligjore e kushtetuese”, ka shtuar ish-koordinatori Hyseni.
Kurse, sa i përket shkarkimit të ekipit menaxhues, Hyseni ka pohuar se shkarkimi i tyre dhe draft statuti janë dy çështje të ndara.
Ai, ka thënë se ekipin menaxhues, gjithnjë në pajtim me marrëveshjen e asociacionit, e ratifikuar në Kuvend të Republikës, e cakton komuniteti serb.
Hyseni deklaron se nuk mundet dhe nuk guxon askush t’i imponojë Kosovës një statut që shkel Kushtetutën e vendit.
“Askush nuk guxon dhe nuk mundet t’i imponojë Kosovës një statut asociacioni që shkel parimet themelore të rregullimit kushtetues të Kosovës! Statuti i asociacionit, krejt në fund duhet ta marrë edhe pajtimin e Gjykatës Kushtetuese të Kosovës”, ka thënë ndër të tjera Hyseni.
Ish-kryenegociatori i Kosovës në dialog me Serbinë, Skender Hyseni, ka thënë se Qeveria e Kosovës nuk guxon assesi të pranojë një statut Asociacioni që shkelë rregullimin ligjor e kushtetues të Kosovës.
Por, se në të njëjtën kohë nuk und të nga diskutimi për këtë çështje.
“E thashë pak më lart, Qeveria assesi nuk guxon të pranojë çfarëdo statuti asociacioni që shkelë rregullimin ligjor e kushtetues të Kosovës. Në të njëjtën kohë qeveria nuk duhet të ikë, sepse edhe nuk mund të ikë nga diskutimi dhe eventualisht pajtimi për një draft-statut asociacioni”, ka thënë Hyseni.
Ish-kryenegociatori në dialog me Serbinë, Skender Hyseni kur është pyetur se a duhet të formohet një ekip i ri për të formuar draft-statutin e Asociacionit, ka thënë se ekipi menaxhues mund të ndryshojë në pajtim me procedurat e parapara.
Por, se sipas tij nuk zhbëhet fakti që ai ekip vjen si propozim i komunitetit serb.
“Ekipi menaxhues mund të ndryshoj në pajtim me proceduarat e parapara, por kjo nuk e zhbën faktin që çfarëdo ekipi menaxhues që mund të krijohet, propozimi vjen nga komuniteti serb, dhe aprovohet nga Qeveria e Kosovës”, ka deklaruar Hyseni, për Front Online.
Draft-statuti për Asociacion i cili është publikuar në media thuhet se posedon 67 nene dhe është i ndarë në nëntë kapituj, si: dispozitat e përgjithshme, çështjet e komunitetit, struktura organizative, anëtarësimi në Asociacion dhe marrëdhëniet ndërmjet komunave anëtare, asetet dhe të ardhurat, format e vendimmarrjes së drejtpërdrejtë, ndryshimet në statutin e Asociacionit, shpërbërja e Asociacionit dhe dispozitat tranzicionale dhe përfundimtare.
Aty thuhet se Asociacioni do të jetë një formë e veçantë organizimi, e themeluar me qëllim të mbrojtjes së të drejtave të njeriut dhe të pakicave që jetojnë në komunat që janë pjesë e Asociacionit.
Po ashtu thuhet se Asociacioni do të jetë një formë e veçantë organizimi, e themeluar me qëllim të mbrojtjes së të drejtave të njeriut dhe të pakicave që jetojnë në komunat që janë pjesë e Asociacionit.
Asociacioni t’i regjistrojë votuesit, të mbajë regjistrat e lindjeve, martesave dhe vdekjeve, do të bëjë një përmbledhje të plotë në fushat e zhvillimit ekonomik, arsimit, kujdesit shëndetësor, e mirëqenies sociale.
