Sipas Zgjim Hysenit nga Partia Socialdemokrate, ajo që po ndodhë me minatorët e Trepçës është “çka s’ka askush prej shpalljes së pavarësisë: ndëshkim për shkak të protestës sindikale”.
Kjo sepse, sipas tij, në horizontin totalitar të pushtetit aktual ata që protestojnë “janë armiq sabotatorë, mbetje e t’kaluarës, ose thjesht insekte.”
Postimi i plotë:
Çfarë page, çfarë mungesa, çka po flitni?!
Minatorët grevistë janë armiq. Atyre iu pengon suksesi i Trepçës. Ata janë “sabotatorë”.
Menaxhmenti- zgjatim, tentakula e Kurtit, ua pati ndalur vitin e kaluar edhe shujtat e rrogat grevistëve. Çka s’ka askush prej shpalljes së pavarësisë kanë ba këta: ndëshkim për shkak të protestës sindikale. Sepse s’ka kuptim logjik me pasë revoltë sindikale kur pushtetin politik e ka “kryesindikalisti”. S’ka hiç rëndësi sa poshtë në horizontet e Trepçës je mbyllur, horizonti totalitar nuk e njeh një kontradiktë të tillë. Prandaj, këta që protestojnë janë armiq sabotatorë, mbetje e t’kaluarës, ose thjesht insekte.
