Hoxhaj: Bashkësia ndërkombëtare ta mbajë Vuçiqin përgjegjës për dhunën në veri

Ish-ministri i Jashtëm, aktualisht nënkryetar i Kuvendit të Kosovës, Enver Hoxhaj, ka reaguar ndaj situatës së fundit në veri.

“Sot ishte një ditë e vështirë për Kosovën. I dënoj fuqishëm sulmet ndaj KFOR-it, Policisë së Kosovës dhe gazetarëve nga grupet radikale në veri, të kontrolluara nga Beogradi”, ka shkruar Hoxhaj në “Twitter”.

Ai tutje thotë se bashkësia ndërkombëtare duhet ta mbajë përgjegjës Vuçiqin, i cili, sipas tij, qëndron pas kësaj dhune.

“Kosova duhet të koordinohet me SHBA dhe BE!”, ka shkruar Hoxhaj.