Analisti Yll Hoxha, në emisionin “Debat Plus” e ka komentuar acarimin e raporteve ndërmjet Kosovës dhe Shteteve të Bashkuara të Amerikës dhe Bashkimit Evropian.
Sipas tij, ky acarim është për shkak të dështimit të BE-së dhe të SHBA-së për të arritur një rezultat nga dialogu Kosovë- Serbi.
“Po e shoh se ky acarim vjen si pasojë e njëfarë nevojë e dëshpëruara të Bashkësisë Ndërkombëtare për të prodhuar sukses në procesin e dialogut ndërmjet Kosovës dhe Serbisë”, ka deklaruar ai.
“Në fillim të këtij viti e kam thënë se këto dy muaj, tre muaj, me fillim prej shkurti do të jenë muaj të vështirë për Qeverinë e Kosovës”, ka thënë Hoxha.
Më tej, ai ka thënë se nëse plani franko-gjerman nuk zbatohet në këta muaj, ky plan, sipas tij, nuk do të zbatohet fare.
“Plani franko-gjerman nëse nuk kryhet brenda këtyre tre muajve të ardhshëm, nuk kryhet fare, për shkak të kontekstit politik i cili mbretëron dhe në Evropë dhe në Shtetet e Bashkuara të Amerikës”, ka theksuar Hoxha.
