Ambasadori i Shteteve të Bashkuara të Amerikës në Kosovë, Jeffrey Hovenier ka thënë se Kosova dhe Serbia duhet pa vonesa t’i zbatojnë obligimet e dala nga dialogu i Brukselit.
Ambasadori amerikan ka deklaruar se e mbështesin Kosovën në aspiratat e saja për anëtarësim në Bashkim Evropian dhe NATO.
Ambasadori amerikan theksoi nevojën e respektimit të të drejtave të minoriteteve në Kosovë.
“Ky event është një kujtim që pavarësia në botë dhe shoqëria civile, luan, duhet të luajë dhe mund të luajë një rol të përparuar demokratik. Unë takohem herë pas here me njerëz të shoqërisë civile dhe ata thonë nuk mund të bëjë asgjë jam thjesht një anëtar i shoqërisë civile, nuk mund të ndikojë në ndryshim, ne i shkruajmë letrat, ne bëjmë gjëra. Shoqëria civile ndryshon botën”, ka thënë Hovenier në Samitin e Kosovës për Paqe dhe Demokraci.
Ai theksoi se pret nga Serbia të merret më seriozisht dialogun.
“Katër minuta më kanë mbetur ka qenë shumë kohë duke folur për gjëra për të cilat kam folur shumë më parë për ata që kanë qenë afër për një kohë ju ndoshta jeni njohur me disa nga mesazhet nga Shtetet e Bashkuara tani se si i shohim ne rrethanat mes Kosovës dhe Serbisë në përpjekjen për të çuar përpara një studim të normalizuar të marrëdhënieve biletarale me qëllimin përfundimtar të njohjes reciproke. Nuk mendoj se ka shumë kohë për të paraqitur disa nga shqetësimet që kemi me zgjedhjet e politikave të bëra në Beograd dhe zgjedhjet e politikave në Prishtinë. Ne presim që ata ta marrin dialogun seriozisht”, ka thënë ai.
