Amabsadori i Shteteve të Bashkuara të Amerikës në Kosovë, Jeffrey Hovenier, ka përkujtuar personat e zhdukur në Kosovë, në ditën ndërkombëtare për të pagjeturit.
Diplomati amerikan ka thënë se duhet të tejkalohen dallimet dhe institucionet duhet të punojnë së bashku për gjetjen e zgjidhjes për personat e pagjetur.
“Në këtë ditë ndërkombëtare të viktimave të zhdukurve me forcë, iu bashkova kryeministrit Kurti dhe kolegëve të trupit diplomatik për të shprehur respekt për familjet e pikëlluara kosovare që presin lajmin për më të dashurit e tyre të zhdukur. Ne përsërisim thirrjen tonë për institucionet dhe zyrtarët që të tejkalojnë dallimet e tyre dhe të punojnë së bashku për zgjidhjen e rasteve të personave të zhdukur”, thuhet në deklaratën e Hovenierit, njofton ambasada amerikane.
