- Advertisement -
Ambasadori i SHBA-së në Prishtinë, Jeff Hovenier, ka folur për raportet me Qeverinë e Kosovës, sipas tij mund të ketë partneritet të mirë dhe të fortë, partneritet më pak të fortë dhe partneritet të pamjaftueshëm.
Hovenier tha se Qeveria nuk ka qenë e vëmendshme ndaj shqetësimeve që janë ngritur.
“Mund të jem i sinqertë, nuk mendoj se qeveria ime mund të sinjalizojë më qartë se mënyrat që kemi sinjalizuar deri më tani se jemi të pakënaqur me cilësinë e partneritetit tonë me Qeverinë Kurti në këtë kohë, se nuk besojmë se Qeveria aktuale ka qenë mjaft e vëmendshme ndaj shqetësimeve që ne kemi ngritur vazhdimisht në lidhje me planet dhe zbatimin ose zbatimin e mëvonshëm të rregullores së Bankës Qendrore”, ka thënë Hovenier.
