Ish kryeminsitri I Kosovës, Avdullah Hoti ka akuzuar qeverinë e Kosovës se duke mos përfillur këshillat e aleatëve, ka rënë në kurthin e Vuçiqit që për qëllim ka tensionimin e situatës në veri.
Hoti ka thënë se qeveria akatuale e ka zëvendësuar Uashington e Brukselin me Ohrin e Bratisllavën.
“Kjo është politike se jo mahi”, ka shkruar ndër të tjera ai.
Postimi i plotë i tij:
Duke mos përfillur këshillat e aleatëve, bien në kurthin e Vuçiqit që për qëllim ka tensionimin e situatës në veri.
Kryetarët e zgjedhur me 2% i fusin në zyrë me polici dhe i mbajnë të ngujuar.
Nuk i përfillin kërkesat e aleatëve kur u vijnë për vizitë në Prishtinë dhe u kërkojnë zgjedhje të reja në ato komuna pa kushte nga asnjëra palë.
Shkojnë në Bratisllavë e merren vesh për shtensionim të situatës, por askush nuk di gjë se çfarë janë marrë vesh.
Uashingtonin e Brukselin i kanë zëvendësuar me Ohrin e Bratisllavën.
Kjo është politikë se jo mahi.
