- Advertisement -
Deputeti i Lidhjes Demokratike të Kosovës, Avdullah Hoti ka uruar Shqipërinë për hapjen e bazës së NATO-s në Kuçovë.
Ai tha se me këtë bazë, rajoni i Ballkanit është më i sigurt, njofton Klankosova.tv.
“Urime Qeverisë së Shqipërisë dhe Kryeministrit Edi Rama për hapjen e bazës së NATO-s në Kuçovë. Kjo është arritje e madhe pas anëtarësimit të Shqipërisë në NATO në vitin 2009.
Me këtë bazë, rajoni i Ballkanit është më i sigurt. Gjithë shqiptarët, kudo që ndodhen, janë më të sigurt”, u shpreh kështu Hoti në një postim në Facebook.
Më tutje ish-kryeministri i vendit tonë tha se Shqipëria po kontribuon në sigurinë rajonale dhe atë më gjerë.
“Shqipëria po kontribuon në sigurinë rajonale dhe më gjerë”.
