Deputeti i LDK-së, Avdullah Hoti ka folur për partinë ku bën pjesë në 34-vjetorin e themelimit të saj.
Duke folur për vitet kur u themelua, Hoti tha se shtëpia politike e ish-presidentit Rugova “shumë shpejt u bë shtëpia e të gjithëve, orientimi politik i LDK-së dhe rruga e vetme, e cila i siguronte popullit atë që ëndërronte, LIRI, PAVARËSI DHE DEMOKRACI”.
“Lidhja Demokratike e Kosovës është e përhershme ashtu siç është Republika e Kosovës!”, ka shkruar tutje ish-kryeministri,
Postimi i plotë:
Lidhja Demokratike e Kosovës sot kremton 34 vjetorin e themelimit.
Intelektualë dhe patriotë, burra e gra të guximshëm, më 23 Dhjetor 1989 u mblodhën me një qëllim dhe vizion të qartë, themelimin e lëvizjes më të madhe politike, të prirë nga ati themeltar i shtetit të Kosovës, Presidenti Rugova.
Shtëpia politike e Presidentit Rugova shumë shpejt u bë shtëpia e të gjithëve, orientimi politik i LDK-së dhe rruga e vetme, e cila i siguronte popullit atë që ëndërronte, LIRI, PAVARËSI DHE DEMOKRACI.
Lidhja Demokratike e Kosovës është e përhershme ashtu siç është Republika e Kosovës!
Urime të gjithë aktivistëve, simpatizantëve dhe të gjithë atyre që për 34 vite kontribuan për familjen tonë politike!
Zoti e bekoftë Lidhjen Demokratike të Kosovës!
Zoti e bekoftë popullin e Kosovës!
