Ky truk i thjeshtë dhe ekonomik, që jo vetëm pastron xhamin, por krijon edhe një shtresë mbrojtëse që e mbron nga njollat për një kohë të gjatë
Një kabinë dushi është një zgjidhje praktike dhe estetike, veçanërisht për banesat ku hapësira është e kufizuar. Por një nga problemet më të zakonshme që përballen përdoruesit është pastrimi i xhamit, i cili shpesh mbulohet me pika uji, njolla gëlqereje dhe mbetje sapuni.
Pothuajse nuk ka person që nuk e ka provuar lodhjen e përditshme të fshirjes dhe lustrimit të xhamit pas çdo dushi. Edhe nëse përdorni ujë të distiluar për shpëlarje, pas disa ditësh sërish shfaqen shenja që e bëjnë të gjithë ambientin të duket i papastër dhe i neglizhuar.
Zgjidhja? E thjeshtë dhe ekonomike!
Për të parandaluar grumbullimin e njollave në xhamin e kabinës së dushit, ju nevojitet vetëm një përbërës që mund ta gjeni në çdo shtëpi – vaji për foshnje.
Ky truk i thjeshtë dhe i testuar jo vetëm që heq shenjat ekzistuese, por krijon edhe një shtresë mbrojtëse që pengon formimin e njollave për javë të tëra, transmeton Telegrafi.
Si të veprohet:
• Pastroni fillimisht xhamin si zakonisht me ujë dhe një solucion të butë pastrimi.
• Më pas, merrni një leckë të pastër pambuku dhe aplikoni pak vaj për foshnje në të.
• Fërkoni me kujdes të gjithë sipërfaqen e xhamit, nga poshtë-lart.
• Lëreni të thahet vetë, pa shpëlarje.
Rezultati? Xhami do të jetë i pastër, me shkëlqim dhe i mbrojtur nga pikat e ujit dhe njollat e gëlqeres. Plus, do të kurseni kohë dhe produkte pastrimi në të ardhmen!
Ky truk është i sigurt për përdorim të rregullt, pa kimikate të dëmshme dhe me efekt afatgjatë. Përsëriteni procesin një herë në javë ose sa herë të shihni që shtresa mbrojtëse po zbehet.
Këshillë shtesë: Për mirëmbajtje të rregullt, mund të përdorni gjithashtu një përzierje natyrale me uthull të bardhë dhe ujë në raport 1:1 për pastrimin javor, para se të aplikoni vajin.
