Kryetari i Partisë Demokratike të Kosovës, Memli Krasniqi ka prezantuar sot një fakt interesant në fillim të javës që shënon 15 vjetorin e pavarësisë së Kosovës.
Kreu i PDK-së nëpërmjet një video mesazhi ka prezantuar faktin se himni i Kosovës i realizuar nga kompozitori Mendi Mengjiqi ka edhe tekst.
Më poshtë mund ta dëgjoni mesazhin e liderit të PDK-së dhe himnin e Kosovës me tekst.
Postimi i plotë:
Gjatë kësaj jave me aktivitete të shumta, do të ndajë me ju, e posaçërisht për gjeneratat e reja, edhe disa fakte interesante që ndërlidhen me Pavarësinë e Kosovës.
Edhe pse ka 15 vjet që Himnin e Kosovës e dëgjojmë vetëm me melodi, kompozitori i himnit, Mendi Mengjiqi, kishte shkruar edhe tekstin e tij. Titulli i himnit është Evropa dhe teksti i ka 12 vargje. Në Javën e Pavarësisë, mendoj se ia vlenë me e lexu dhe me e dëgju himnin me këtë tekst fantastik.
Evropa
O mëmëdhe i dashur,
Vend i trimnisë
Çerdhe e dashurisë
N’ty shqipet fluturojnë
Dhe yjet ndriçojnë
Vend i të parëve tonë
Ti qofsh bekue për jetë e mot
O nënë e jonë
Ne të dalim Zot
O mëmëdhe i dashur,
Vend i trimnisë
Çerdhe e dashurisë
https://fb.watch/iFM-hDCNX_/
