Problemet e njëpasnjshme, sipas Hill-it, do të zgjidhidheshin me themelimin e Asociacionit të Komunave të banuara me shumicë serbe, për të cilën, siç tha ai, “nuk është çështje se a do të themelohet, por vetëm kur”. Në këtë linjë ai u shpreh me një siguri të lartë se “jam i bindur që Asociacioni do të themelohet”.
Në një intervistë për Euronews (shërbimi në gjuhën serb) Hill u shpreh – njëjtë si Gabriel Escobar – se ka “probleme serioze në komunikim” me qeverinë kosovare të drejtuar nga Albin Kurti. “Sa i përket hollësive rreth kësaj, lexojini çka tha Escobari, ka qenë mjaft i qartë”, tha diplomati amerikan.
“Komuniteti serb në Kosovë ka të drejtë të zgjohet në mëngjes dhe të kuptojë se si do të jetë jeta e tyre, si do të marrin pensionet, si do të shkojnë fëmijët e tyre në shkollë, si do të sigurohen spitale për ta. E gjithë kjo është paraparë me Asociacionin e Komunave Serbe, nuk është vetëm një slogan për të cilin flitet vazhdimisht, por një element thelbësor për çdo progres”, ka thënë ai.
“Mendoj se logjika e asaj që propozon Miroslav Lajçak është më se e qartë. Është e qartë se çfarë duhet bërë, për disa është menjëherë e qartë, për të tjerët duhet më shumë kohë për të kuptuar domethënuien e saj. Duhet të bëhet he jam i bindur se do të bëhet, ky Asociacion do të formohet”, ka shtuar ai.
Rreth mesazheve të Escobar në Kosovë, Hill i komentoi veçse janë “të prera dhe të qarta” dhe se çështja, siç tha ai, themelore – mbetet Asociacioni i Komunave të banuara me shumicë serbe.
“Negociatori amerikan për Ballkanin, Gabriel Escobar, ishte në Kosovë dhe i dërgoi mesazhe mjaft të mprehta dhe të qarta lidershipit kosovar. Duhet të zgjidhen disa probleme dhe çështja e heqjes së dinarit është më e freskëta dhe ndoshta më e vështira. Megjithatë, çështja themelore që duhet të zgjidhet dhe për të cilën tashmë është rënë dakord në të kaluarën është Asociacioni i Komunave Serbe”, shtoi ai.
“Me themelimin e atij Asociacioni duhet të zgjidhen të gjitha problemet tjera si strukturat paralele apo përdorimi i dinarëve. Pyetja është vetëm kur, jo nëse do të ndodhë. Logjika është shumë e qartë, të dyja palët tashmë kanë rënë dakord për këtë, kjo është ajo që dëshiron BE-ja dhe do të realizohet. Shpresoj se do të bëhet diçka për këtë”, ka shtuar Hill.
Mes tjerash, ai u shpreh në atë që ShBA e mbështet ndërmjetësin evropian, Miroslav Lajçak, në udhëheqjen e tij të procesit.
“Gjëja e parë është respektimi i dialogut dhe marrëveshjeve tashmë të arritura. Një prej tyre është marrëveshja e Ohrit. Kur Lajçak thotë se marrëveshja është e vlefshme, do të thotë se është e vlefshme. Unë besoj se nuk duhet të ketë përpjekje për të ndryshuar mënyrën në të cilën shprehet vlefshmëria e asaj marrëveshjeje. Kur dikush nuk dëshiron të bëjë diçka, thërret mekanizmat. Mekanizmat nuk duhet të abuzohen. Lajçak e dinte se çfarë po bënte kur arriti marrëveshjen në Ohër dhe mendoj se ne duhet të ecim përpara në këtë bazë”, ka shtuar Christopher Hill.
