Sot është hedhur shorti i sezonit të ri të Superligës së futbollit për edicionin 2022/23.
Skuadrat i kanë mësuar kundërshtarët e xhiros së parë, por edhe të pjesës tjetër të kampionatit të ri, i cili do të fillojë më 13 gusht.
Shorti u hodh në selinë e Federatës së Futbollit të Kosovës në praninë e Komisionit të Garave dhe të përfaqësuesve të klubeve.
Kështu, në bazë të shortit të hedhur sot, në javën e parë, kampioni aktual, Ballkani do ta vizitojë Malishevën.
Nënkampionia Drita do të jetë mysafiret e të rikthyerës në Superligë, Trepça ’89.
Kurse, fituesi i Kupës, Llapi do të luajë po ashtu në udhëtim, e viziton Drenicën.
Edhe Prishtina do të luajë si mysafire pasi do të ketë punë me Dukagjinin vendës, kurse Gjilani do t’i presë komshinjtë e Ferizajt.
