Administrata Trump ka nisur një hetim të gjerë mbi fondet federale të akorduara për Universitetin e Harvardit, në kuadër të masave të reja për të luftuar antisemitizmin në kampuset universitare.
Tre agjenci qeveritare – Departamenti i Arsimit, Departamenti i Shëndetësisë dhe Shërbimeve Njerëzore, si dhe Administrata e Shërbimeve të Përgjithshme – njoftuan se janë në proces rishikimi për kontratat dhe grantet federale me vlerë 9 miliardë dollarë të lidhura me Harvardin dhe filialet e këtij universiteti.
Sipas administratës Trump, ky është një hap i domosdoshëm për të ndaluar atë që ata e quajnë ekstremizëm të majtë në universitetet amerikane. Kritikët kane e konsideruar këtë veprim si një goditje të rëndë ndaj lirisë akademike dhe fjalës së lirë. Presidenti i Harvardit, Alan Garber reagoi duke paralajmëruar se pezullimi i financimeve do të ndalonte kërkime të rëndësishme shkencore dhe do të pengonte inovacionin. Ai e ka pranuar se antisemitizmi është prezent në kampus dhe se universiteti ka marrë masa për ta luftuar gjatë 15 muajve të fundit, por theksoi se ende mbetet shumë punë për të bërë.
Ky hetim vjen pas vendimit të administratës Trump për të anuluar 400 milionë dollarë fonde për Universitetin e Kolumbias, i cili ishte epiqendra e protestave anti-Izrael pas sulmit terrorist të Hamasit më 7 tetor 2023 dhe ofensivës izraelite në Gaza. Autoritetet Amerikane kane nisur gjithashtu edhe ndalimin e leshimit te vizave dhe debimin e studenteve nderkombetar qe kane protestuar ne kampuset universitere mbi luften ne Lindjen e Mesme. Me heret administrata Trump pezulloi 175 milione dollare fonde per Universitetin e Pensilvanise per shkak te politikave te ketij universiteti qe lejonte transgjinoret te merrnin pjese ne sporte te ndryshme te cilat kategorizoheshin si sporte djemsh apo vajzash.
