Heroizmi i Besim Paçarizit !
Në historinë e luftës së shqiptarëve për liri dhe drejtësi, emri i Besim Paçarizi do të qëndroj si simbol i guximit dhe sakrificës. Ai ishte një nga të burgosurit politik në Dubravë, ku u masakrua nga regjimi serb në 1999, duke u bërë një nga mijëra viktimat e krimit të organizuar kundër shqiptarëve gjatë luftës në Kosovë. Por jeta e tij dhe kontributi i familjes së tij shkojnë përtej sakrificës personale – ato përfaqësojnë trashëgiminë e ndihmës kuptimplotë dhe solidaritetit ndaj komunitetit veçanërisht pas viteve të 80-ta në Prizren.
Besim Hazir Paçarizi ishte një prej të burgosurve shqiptarë që u internua në burgun e Dubravës, ku u ekzekutua së bashku me dhjetëra të tjerë në prill të vitit 1999. Kjo ishte pjesë e politikës së terrorit të ushtrisë dhe regjimit serb që synonte thyerjen e shpirtit të rezistencës shqiptare. Megjithë torturat dhe vuajtjet, besnikëria e tij ndaj çështjes kombëtare e bëri atë një simbol të qëndrueshmërisë.
Por edhe kontributi i Familjes Paçarizi për popullsin shqiptare para luftës, ishte e njohur në Prizren për punën e tyre filantropike. Në vitet 80-ta, kur Kosova po kalonte një periudhë të vështirë ekonomike dhe politike, ata ndihmuan familjet e varfra, ofruan ushqim dhe mbështetje për ata më të prekurit. Ky veprim nuk ishte thjesht mbijetese, por edhe një formë rezistence – duke ruajtur unitetin shqiptar në kohë kur shtypja serbe përpiqej ta thyente atë.
Sot, Besim Paçarizi është hero kombëtar. Emri i tij përmendet në kujtimet e të burgosurve të mbijetuar të Dubravës dhe në dokumentat zyrtarë për krimet e luftës. Por më e rëndësishmja është se vepra e tij dhe e familjes së tij vazhdon të frymëzojë brezat e rinj për të vlerësuar lirinë dhe për të ndihmuar njëri-tjetrin.
Jeta e Besim Hazir Paçarizit na mëson se heroizmi nuk është vetëm në betejë, por edhe në ndihmën e pakufishme ndaj të tjerëve. Ai dhe familja e tij janë shembuj të shendshëm të atdhedashurisë dhe qëndresës. Duke kujtuar sakrificën e tyre, ne nuk duhet të harrojmë se liria dhe drejtësia janë vlera që duhen promovuar çdo ditë.
Ai na mësoj se; Liria u pagua me gjak e sakrificë, por edhe duhet mbrojtur me menquri e perkushtim brez pas brezi edhe me jetë!
