Nënkryetari i Lidhjes Demokratike të Kosovës, Lutfi Haziri, tha se edhe pas 13 viteve të dialogut në Bruksel, Kosova vazhdon ta diskutoj çështjen e një pjese prej 17 për qind të territorit të Kosovës të banuar me serbë.
Ai në emisionin special në Tëvë1, tha se çështja e veriut është diskutuar tash e 13 vite me ndërmjetësim të BE-së dhe mbështetje të SHBA-së, derisa përmendi se në vitin 2011 u vra polici Enver Zymberi në vendosje të rendit dhe ligjshmërisë, kurse sot u zu në pritë rreshteri i Policisë së Kosovës.
“E në këtë rast po flasim për një pjesë të territorit të Kosovës që është e destabilizime vazhdimisht, një pjesë që është 17,3 për qind në tërësinë territoriale të Kosovës ku jeton komuniteti serb dhe që për akomodimin e tyre po bisedohet tash e 13 vite në Bruksel me ndërmjetësim të SHBA-së, BE-së, 5 qeveri, 5 kryeministra janë ndërruar me këtë problem po vazhdojmë edhe më tutje t’i japim mundësi dialogut por pas vitit 2011 kur shteti i Kosovës reagoi, vendosi rend dhe ligj jo në brendësi por në kufi të Kosovës, iu kujtohet mirë djegia e vendkalimeve kufitare dhe doganave dhe rikthimi i ligjshmërive në atë kohë”, tha Haziri.
Nënkryetari i Lidhjes Demokratike të Kosovës, Lutfi Haziri, tha se dita e vrasjes së rreshterit të Policisë së Kosovës është ditë e rëndë për Kosovën.
Në emisionin special në Tëvë1, Haziri tha se megjithatë, ajo çka duhet të duartrokitet sot është reagimi i njësive të specializuara të Policisë së Kosovës dhe në proporcion me atë çka ka ndodh.
Sipas Hazirit, zhvillimet ditore kanë bërë me dije se Policia e Kosovës është e përgatitur të reagoj profesionalisht dhe neutralizoj çdo tendencë terrorizmi.
“Ka qenë një dit e rëndë për Kosovën, rënia në detyrë e rreshterit të Policisë së Kosovës, rreshterit të Policisë, të ndjerit Bunjaku tash ujiti me gjakun vet edhe këtë paqe në Kosovë. Ajo çka duhet me apllaudu të gjithë dhe mu bë krenar është reagimi i njësive të specializuara të PK-së që përfshinë gjithë ato resurse të inteligjencës dhe kapaciteteve tjera sepse reagimi në proporcion me atë çka ka ndodhë sot herët në mëngjes dhe zhvillimet ditore kanë bërë me dije që policia e shtetit është e aftë, e përgatitur të reagoj profesionalisht, të neutralizoj dhe parandaloj çdo tendencë terrorizmi dhe akteve që grupet e tilla terroriste me burim nga Serbia dhe nga kryetari vet donë me dëmtu funksionalitetin, kredibilietitin, imazhin e vendit tonë”, tha Haziri.
