Deputeti i LDK-së Lutfi Haziri ka reaguar pas publikimit të Aktgjykimit të Gjykatës Kushtetuese që bëri të ditur se vullneti i lirë i deputetëve nuk mund të imponohet, pavarësisht se i takon subjektit të parë propozimi.
Haziri ka thënë se ‘Bllokuesi nuk kalon’ dhe se “Për votim, nuk e lejon shantazhin politik, e aq më shumë, nuk lejon keqpërdorimin e frymës kushtetuese për t’u keqpërdorë për konsum politik.”
E plotë:
Bllokuesi nuk kalon!
Përshkrimi i frymës kushtetuese që Kosova ka vendosur më 17 shkurt 2008, nënkupton që marrëveshjet, mirëbesimi e kompromiset politike janë mjetet e vetme legjitime dhe patriotike në këtë Republikë, e cila themelet i ka më 2 korrik 1990. Nuk ka detyrim.
Për votim, nuk e lejon shantazhin politik, e aq më shumë, nuk lejon keqpërdorimin e frymës kushtetuese për t’u keqpërdorë për konsum politik.
Është për keqardhje që në vend se politikanët, nëpërmje deputetëve, t’i zgjidhin ngërçet, i duhet Gjykatës Kushtetuese që ta bëjë këtë!
Bllokuesi nuk kalon.
Nuk kemi Kuvend e as Qeveri, por vetëm deputetë të zgjedhur, sikurse që nuk mundesh me qenë edhe deputet e edhe anëtar i Qeverisë.
Republika, mbi të gjitha!
