Rreth projektligjit për Komisionin e Pavarur të Mediave (KPM) i cili të mërkurën u votua nga Lëvizja Vetëvendosje në Komisionin Parlamentar për Administratë Publike, Pushtet Lokal, Media dhe Zhvillim Rajonal ka reaguar edhe mënkryetari i LDK-së, Lutfi Haziri, i cili krejt këtë iniciativë e sheh të “Kurtit me shokë” me qëllimin “e disciplinimit të mediave online”.
Reagimi i Hazirit:
Mediat kanë të drejtë edhe kur s’kanë të drejtë
Deputetët që votojnë për projektligjin për KPM-në, nëpërmjet të cilit Kurti me shokë po tentojnë që mediat online t’i disiplinojë, do të mbahet mend gjatë për qëndrim të hapur kundër lirisë së shtypit e shprehjes. Kjo nuk është qeverisje demoratike, kjo është përpjekje e mjerueshme për instalim të diktatit. Kot e keni sepse mediat kanë të drejtë edhe kur s’kanë të drejtë. Krejt kjo në emër të lirisë së shtypit e të shprehjes!