Ministrja e Drejtësisë, Albulena Haxhiu, ka vizituar të hënën 11-vjeçaren e cila ishte dhunuar vitin e kaluar nga pesë persona në Prishtinë, e cila aktualisht gjendet në strehimoren e sigurisë së lartë.
Këtë vizitë Haxhiu e ka zhvilluar si koordinatore nacionale kundër dhunës, për ta parë nga afër rastin, kanë bërë të ditur nga Ministria e Drejtësisë.
Në gusht të vitit të kaluar është raportuar që 11-vjeçarja është dhunuar në dy raste të ndryshme. Ajo ka qenë viktimë e dhunimit nga pesë persona në muajin gusht, e më pas është bërë e ditur që viktima është dhunuar dhe trafikuar edhe gjatë muajit qershor, për çka janë arrestuar gjashtë persona të tjerë.
Muajin e kaluar Rrjeti i Grave të Kosovës ka njoftuar se viktima është dhunuar përsëri në strehimoren e sigurisë së lartë nga një vajzë e mitur.
Ky rrjet e ka akuzuar institucionin për dështim dhe neglizhencë, për çka nga Ministria e Punëve të Brendshme ka kërkuar shkarkim të stafit
