Haxhiu: Të gjitha rrugët çojnë drejt zgjedhjeve të jashtëzakonshme – s’kemi dashur

Për të dështuarën plotë 52 herë si kandidate për kryetare të Kuvendit nga radhët e VV-së, situata e krijuar tregon se të gjitha rrugët tani çojnë “në zgjedhje të jashtëzakonshme”.

Sipas deputetes Albulena Haxhiu, kjo nuk ishte ajo që VV dëshironte – një argument absurd në dritën e kryeneçësisë së deputeti Albin Kurti për të insistuar të kandidojë vetëm emrin e saj, pavarësisht se disa parti të tjera kishin shprehur gatishmëri për të votuar emra të tjerë për VV-në.

“Të gjitha rrugët çojnë drejt zgjedhjeve të jashtëzakonshme. Ne nuk kemi dashur që të shkojmë në zgjedhje të jashtëzakonshme, por duket që janë bërë të gjithë bashkë kundër ne.” – deklaroi Haxhiu në “Dukagjin”.