Deputeti i PDK-së, Bekim Haxhiu, ka publikuar fotografi ku pretendon se Lëvizja Vetëvendosje në zonën e dedikuar për mysafirë në Kuvendin e Kosovës iu është bërë presion deputetëve të votojnë kundër Projektligjit për tërheqjen e 30% të shumës së Trustit Pensional.

Haxhiu fotografinë e ka publikuar në ‘Facebook’, teksa e ka quajtur të turpshëm qëndrimin e VV-së kundër projektligjit për Trustin.

“Edhe më turpërues për demokracinë presioni i LVV-së mbi deputetët  nga hapësira e sallës së Kuvendit , nga zona  dedikuar për mysafirë nga përsona N.N. të LVV-së vetëm e vetëm për ta kundërshtuar kërkesën e qytetarēve”, ka shkruar ai, bashkëngjitur në fotografi.

“Mobilizimi i pozitës kundër vullnetit të qytetarëve, ishte për keqardhje deri në servilosje e perdhosje të dinjitetit të deputetit”, vijon ai.