Nait Hasani, deputet i PDK-së thotë se kryesuesi i seancës së Kuvendit është dashur ta vendos në votim raportin dhe ta thirr komisionin në takim, por jo kryetarët dhe partitë politike.
Sipas tij, Dehari ka bërë një shkelje procedurale, ku tha se raporti duhet të votohet dhe se qeveria duhet të jetë e dorëhequr.
Madje, ai thotë se nuk do të dihet se kush me kë do të bëjë një koalicion.
“Kryesuesi i seancës është dashtë ta vendos në votim raportin ose t`i thirr jo kryetarët e partive, jo partitë politike po komisionin në takim dhe të merr një vendim për veprimet e mëtejshme, ai nuk e bëri atë por i thirri partitë politike dhe bëri një shkelje për mu që është ndoshta jo një shkelje e rëndë, por një shkelje procedurale, gjithashtu në takim nuk janë marrë vesh dhe erdhi e mbylli seancën pa e hedhë në votim. Prandaj ne e kemi një votim, nuk i kemi dy votime, séanca do të thotë ka dështua në procesin e votimit, janë arsyet politike të partive politike të pozitës dhe të opozitës. Pavarësisht kush i ka fitua zgjedhjet nuk e kemi një opozitë, nuk do të dihet se kush do të bëjë koalicion me kë dhe kështu nuk janë definua pozita dhe opozita. Raporti duhet të votohet, por kur të votohet raporti qeveria duhet të jetë e dorëhequr”, ka deklaruar Hasani në emisionin “Ditari” në tëvë1.
