Hasani: Albulena Haxhiu e ka konsumuar të drejtën për t’u propozuar, tri herëshi nuk vlen për të

Ish-Kryetari i Gjykatës Kushtetuese dhe profesori eminent i shkencave juridike, Enver Hasani ka komentuar njoftimin për aktgjykimin e ri, në lidhje me bllokadën në Kuvend.

Ai, në një intervistë në T7, ndër të tjera ka thënë se “tri herëshi, nuk vlenë për Albulena Haxhiun”, pasi sipas tij, ajo e ka konsumuar të drejtën e saj, me votim të hapur, duke u rrëzuar më shumë se tri herë.

“Sipas këtij dispozitivi unë besoj, se zonja Haxhiu e ka kryer “emisionin”. Afati nuk ec në gjendje joligjore dhe jokushtetuese. Ajo i ka konsumuar më shumë se tri herë. Në gjendje kushtetuese nuk bënë me prekë.” – ka thënë ai.