- Advertisement -
Kryetari i Aleancës për Ardhmërinë e Kosovës, Ramush Haradinaj, ka përkujtuar sot vëllain, Enver Haradinaj.
Enver Haradinaj ishte vrarë në vitin 2005, në afërsi të fshatit Raushiq dhe ende sot e kësaj dite, vrasja e tij mbetet mister, pasi që nuk dihet as autori dhe as shkaku i vërtetë.
Me këtë rast, ish-kryeministri, Ramush Haradinaj, tha se shqiptarët e zot nuk u vranë vetëm në fushëbeteja, por edhe pas shpine.
“Enver mbijetove plagët e luftës, por të vranë pas shpine, në liri”, ka shkruar Haradinaj.
Ai poashtu ka mallkuar të gjithë ata që vrasin shqiptarët tradhtisht.
“Mallkuar qoftë ajo dorë që vret shqiptarët tradhtisht”.
