Kryetari i Aleancës për Ardhmërinë e Kosovës, Ramush Haradinaj, besom se partia që ai udhëheq “po masivizohet” në përkrahje popullore, gjatë një vizite të tij në Shtime.
Nuk qëndroi pa e kritikuar ashpër Qeverinë e Kosovës, që sipas Haradinaj, vendit po i jep “kahje të rrezikshme…duke na larguar nga aleatët tanë të sigurisë”.
Njoftimi i plotë i Haradinaj:
Mbështetja për Aleancën po masovizohet.
Qytetarët dita-ditës po e shohin Aleancën dhe grupin opozitar rreth saj si alternativë për një Kosovë stabile, të zhvilluar e pjesë të NATO-s.
Pata kënaqësinë që sot të qëndroj në Shtime. Në Mollopolc, në pritjen që na bëri Metush Jusufaj, takova bashkëluftëtarë e miq, nder ta edhe Profesor Metush Nezirin. Në Reçak, në odën e familjes Bilalli gjetëm mikpritje të ngrohtë nga Maliq e Muhamet Billalli dhe shumë miq e bashkëluftëtarë.
Gjatë bashkëbisedimit ndamë shqetësimet tona për situaten e krijuar në vend dhe kahjen e rrezikshme që po i jep kjo qeverisje, duke na larguar nga aleatët tanë të sigurisë e duke rreshqitur nga synimi ynë jetik, anëtarësimi në NATO.
