Ish-ministrja e Punëve të Jashtme, Meliza Haradinaj, është takuar me shefin e inteligjencës së Ukrainës, Kyrylo Budanov.
Haradinaj ka shkruar se Budanov me udhëheqjen e tij ka arritur operacione të suksesshme kundër Rusisë.
“Kreu i inteligjencës ushtarake të Ukrainës, i shumëkërkuari i Putinit, dhe shtylla kurrizore e mbrojtjes së Ukrainës – Budanov me udhëheqjen kolosale të tij ka arritur shumë operacione të suksesshme kundër Rusisë,” shkruan Haradinaj.
Ish-ministrja ka shprehur mbështetjen për luftën e Ukrainës, për liri dhe shpresat e mëdha të Kosovës për lidhje edhe më të forta miqësie me Ukrainën dhe popullin ukrainas.
“Gjenerali Budanov përgëzoi vendin tonë për përballjen e vazhdueshme me synimet shkatërruese të Putinit në Ballkan, dhe falënderoi Kosovën për solidaritetin dhe mbështetjen ushtarake të ofruar për Ukrainën,” shkruan Haradinaj.
