Ish-kryeministri i Kosovës, Ramush Haradinaj, njëherësh kryetar i AAK-së, e ka përshëndetur nismën që ka bërë diplomacia kosovare, për anëtarësim në Këshillin e Europës.
Ndërsa ka ndarë fotografi të arkivës, kur ai ishte pjesë e takimeve me zyrtarë nga Brukseli, shprehet se aplikimi i sotëm i Kosovës, është lajm i mirë.
”Perspektiva evropiane e Kosovës është e pa alternativë. Si vend kemi ecur para drejt përmbushjes së kritereve të përcaktuara nga Bashkimi Evropian dhe kemi marrë notat më të larta në zbatimin e Marrëveshjes Stabilizim Asociimit tash e sa vjet.
Aplikimi sot i Kosovës në Këshillin e Evropës, është lajm i mirë për vendin.
Është jetike për ne që Bashkimi Evropian t’ia hapë dyert Kosovës në proceset integruese duke liberalizuar vizat fillimisht dhe duke i dhënë Kosovës statusin e kandidatit.
Kosova natyrshëm është pjesë e familjes evropiane!”.
