Kreu i AAK-së, Ramush Haradinaj, ka theksuar se profesionistët dhe rinia e shkolluar po bashkohen me vizionin e partisë për një Kosovë të suksesshme.
Ai përmendi Greta Kryeziun, magjistren e farmacisë nga Kamenica, si shembull të brezit të ri që po kontribuon në ndryshim.
Haradinaj theksoi se bashkimi i ekspertizës dhe vullnetit politik do të nxjerrë Kosovën nga ngërçi aktual dhe do të realizohet reforma në shëndetësi për shërbime cilësore për qytetarët.
Ai shtoi se Kosova ka nevojë për energjinë dhe profesionalizmin e rinisë për të ecur përpara.
E plotë:
Profesionistët më të mirë dhe rinia e shkolluar e vendit po bashkohen çdo ditë me vizionin tonë për një Kosovë Fituese. Greta Kryeziu, magjistre e farmacisë nga Kamenica, është shembull i brezit të ri që po zgjedh rrugën e ndryshimit.
Bashkimi i ekspertizës profesionale të të rinjve me vullnetin politik është rrugë e sigurt për ta nxjerrë Kosovën nga ngërçi aktual. Përderisa qeveria aktuale largohet nga nevojat reale të qytetarëve, ne po ndërtojmë një skuadër të re që di të lexojë sfidat e kohës.
Me profesionistë si Greta në ekipin tonë, do të realizojmë reformën e thellë në sistemin shëndetësor dhe do të sigurojmë shërbime cilësore për të gjithë. Kosova ka nevojë për energjinë dhe profesionalizmin e brezit të ri që e do vendin dhe di ta çojë përpara.
