Haradinaj pret në takim Sorensen, tregon se çka folën

Kreu i AAK-së, Ramush Haradinaj, ka zhvilluar një takim me Përfaqësuesin Special të Bashkimit Evropian për dialogun, Peter Sørensen.

Në këtë takim, Haradinaj ka vlerësuar rolin e rëndësishëm të BE-së dhe të Sørensen në procesin e dialogut, duke theksuar gjithashtu rëndësinë e një partneriteti të fortë midis Bashkimit Evropian dhe Shteteve të Bashkuara të Amerikës për sukseset e Kosovës dhe të gjithë rajonit.

Haradinaj ka shprehur angazhimin e tij për bashkëpunimin konstruktiv dhe përpjekjet për stabilitet dhe zhvillim të qëndrueshëm në Kosovë dhe rajon, duke vlerësuar edhe mbështetje të mëtejshme nga BE dhe SHBA.