Daut Haradinaj nga Aleanca për Ardhmërinë e Kosovës, ka adresuar një sërë kritikash për kryeministrin e Kosovës, Albin Kurti.
Haradinaj ka thënë se Kurti po bie ndesh me qëndrimet e tij ndër vite.
“Sot asnjë prej tyre nuk ekziston në tavolinën e tij prej bashkimit kombëtar e tutje, simbolet kombëtare, kërkim falja, të pagjeturit etj. S’kemi asnjë lëvizje në atë drejtim. Ai ka qenë një mashtrues ordiner për disa vjet”, ka thënë ndër të tjera Haradinaj për IndeksOnline.
Zyrtari i lartë i AAK-së për presidenten Vjosa Osmani ka thënë se është shndërruar në vuvuzelë të Qeverisë.
Në këtë intervistë, ai flet edhe për ish-krerët e UÇK-së në Hagë, rikandidimin eventual për kryetar të Prishtinës si dhe koalicionet e mundshme të AAK-së në zgjedhjet e ardhshme.
