Kreu i AAK-së, Ramush Haradinaj, në emisionin FRONTAL në T7 ka folur për një fotografi që sot e ka publikuar kryeministri Albin Kurti pas takimit me gjeneralin e FSK-së, Bashkim Jashari, dhe dy ministra të Qeverisë së tij, shkruan Gazeta Express.
Haradinaj ka thënë se i vjen shumë keq që e sheh komandantin Bashkim Jashari në një fotografi të tillë, duke rikujtuar deklaratën e ministrit Murati për pagesën e mercenarëve. Gjithashtu kreu i AAK-së, kryeministrin e ka quajtur kryemashtrues.
“Kam shumë respekt për komandantin Bashkim Jashari. Më vjen keq që komandanti Jashari është në atë foto. Minsitri i Financave në një rast ka thënë se më mirë i kish ra Kosovës me pagu mercenar sesa veteran. Dhe në atë foto gjendet kryemashtruesi”, ka thënë Haradinaj.
Ai ka thënë se Kurti, Murati dhe ministri Maqedonci janë mashtrues, meqë e kanë lënë ushtrinë në gjendje të mjerueshme.