Kandidati për kryeministër nga koalicioni AAK-NISMA-IDEAL, Ramush Haradinaj ka përshëndetur pjesëmarrjen masive në tubimin e mbajtur në Malishevë, duke e cilësuar atë si një shenjë të qartë të përkrahjes dhe bashkimit për një të ardhme më të mirë për Kosovën.
“Malisheva foli me zemër të madhe! Tubimi madhështor në këtë qytet tregoi fuqinë dhe bashkimin tonë për një Kosovë të zhvilluar ekonomikisht dhe të sigurt,” shkroi Haradinaj.
Ai u shpreh mirënjohës për mbështetjen e qytetarëve të Malishevës dhe e cilësoi atë si një motivim shtesë për të vazhduar angazhimin për një Kosovë fituese.
