Kryetari i AAK-së, Ramush Haradinaj, ka bërë të ditur aderimin e Dardan Krasniqit në Aleancë, duke e vlerësuar si një profil që i shton forcë ekipit dhe vizionit të partisë për zhvillimin e vendit.
Në njoftimin e tij, Haradinaj ka thënë se Dardani sjell energji të re, integritet dhe profesionalizëm, si dhe një kuptim të thellë të proceseve institucionale dhe zhvillimore që i duhen Kosovës në këtë fazë vendimtare.
“Dardan Krasniqi i bashkohet Aleancës me përvojë dhe vullnet për t’i shërbyer vendit. Besoj fuqishëm se angazhimi i tij do të reflektojë në projekte konkrete dhe në përfaqësim të denjë të qytetarëve,” ka deklaruar Haradinaj.
Kryetari i AAK-së ka theksuar se dera e Aleancës është gjithmonë e hapur për njerëz profesionistë, të përgjegjshëm dhe të gatshëm të kontribuojnë në kauzat kombëtare dhe në zhvillimin ekonomik e institucional të Kosovës.
