Nga zgjedhjet e 9 shkurtit, Lëvizja Vetëvendosje ka dalë partia e parë me mbi 42 për qind të votave, megjithatë, të pamjaftueshme që të bëjë qeverinë e vetme, siç arriti të bënte më 2021.
E Meliza Haradinaj, opinioniste në Rubikon të Klan Kosovës, ka thënë se është e padrejtë që të tentohet të bëhet qeveria pa partinë fituese.
“Shumë i padrejtë presioni që po i bëhet partisë së tretë, pra LDK-së, që të deklarohen dhe të japin një qëndrim se çfarë pozicioni do të mbajë. Është e drejtë tërësisht e zotit Abdixhiku, dhe unë mendoj se po vepron drejt që të qëndrojë në opozitë siç ia ka dhënë votën qytetari dhe të vazhdojë me reforma dhe të mos pranojë as të hyjë në qeveri me kryeministrin Kurti i cili ka qenë në një antagonizëm të vazhdueshëm edhe me LDK-në, edhe me zotin Abdixhiku, por as edhe me partitë opozitare, që është edhe jostabile, edhe joparimore që të bëhet një qeveri e opozitës pa të fituesin”, u shpreh Haradinaj.
