Haradinaj: Jam i bindur që Albin Kurti ka me përfundu në burg për korrupsion

Kreu i AAK-së, Ramush Haradinaj, tha se “është i bindur” që kryeministri i Kosovës, Albin Kurti, do të përfundojë në burg për korrupsion.

Këtë pohim ai e mbështeti në lidhje me raportimet për qindra tenderë njëburimor gjatë qeverisë Kurti.

“Po ky ka me përfundu në burg për korrupsion. Jam i bindur që Albin Kurti ka me përfundu në burg për korrupsion sepse në vazhdimësi, s’është vetëm një tender një burimor, por janë qindra tender burimor. Albini po i mbron edhe të korruptuarit. Ka me përfundu në burg për korrupsion”, ka thënë Haradinaj në FRONTAL të T7.