Kryetari i Aleancës për Ardhmërinë e Kosovës, Ramush Haradinaj ka zhvilluar takime me aktivistë të AAK-së në Strasburg të Francës dhe në Ludwigsburg të Gjermanisë.
Përmes një postimi në Facebook, Haradinaj ka bërë të ditur se ka bërë thirrje që të ndihmohet Fondi i Sigurisë, si mekanizëm shtesë për më shumë siguri në vend.
Tutje, i pari i AAK-së ka thënë se ai i ka falënderuar bashkatdhetarët për kontributin e tyre në të gjitha kohërat dhe që i ka siguruar ata për mbështetjen e plotë në procesin zgjedhor brenda partisë.
Postimi i plotë:
Së bashku me koordinatoren për çështjet e Diasporës, deputeten Time Kadrijaj, në Strasburg të Francës dhe në Ludwigsburg të Gjermanisë kam zhvilluar takime me aktivistë të AAK-së dhe bashkatdhetarë.
I informova për situatën politike dhe atë të sigurisë në Kosovë, si dhe për rolin e Aleancës si subjekt opozitar.
Kam bërë thirrje që të ndihmohet Fondi i Sigurisë së Kosovës, si mekanizëm shtesë për më shumë siguri në vend, duke falënderuar bashkatdhetarët për kontributin e tyre në të gjitha kohërat.
I sigurova për mbështetjen time të plotë në procesin zgjedhor brenda partisë, duke uruar sukses për të gjithë ata që marrin pjesë në garën zgjedhore.
Aleanca është adresa e sigurt për diasporën shqiptare.
https://m.facebook.com/story.php?story_fbid=517615219729831&id=100044440716038
