Kreu i AAK-së, Ramush Haradinaj ka marrë pjesë në shënimin e 25 vjetorit të Çlirimit të qytetit të Gjakovës.
Haradinaj ka bërë të ditur se ka përcjllë nga afër Bandën Fyrmore të Gjakovës, e cila ka përformuar sot pas 105 vitesh.
“Gjakova e dhimbjeve të mëdha dhe e krenarisë së veçantë shqiptare feston sot 25-vjetorin e Çlirimit. Ndjenjë e mirë me pa Gjakovën në festë dhe ta përcjell nga afër performancën e Bandës Frymore të Gjakovës e cila doli për herë të parë në skenë, pas 105 vitesh.” – ka shkruar Haradinaj në Facebook.
Ai tutje ka bërë të ditur se sot u bë edhe përurimi i varrezave të Dëshmorëve të Gjakovës.
“Në këtë ditë të shënuar u bë edhe përurumi i varrezave të Dëshmorëve të Gjakovës. Gjakovë, gëzuar Ditën e Çlirimit! I përjetshëm kujtimi për të rënët!” – ka përfunduar Haradinaj.
