- Advertisement -
Kryetari i Aleancës për Ardhmërinë e Kosovës, Ramush Haradinaj, ka ngritur alarmin për gjendjen e tanishme politike në Kosovë. Duke e cilësuar vendin si në një udhëkryq vendimtar, Haradinaj ka shprehur shqetësimin e tij për orientimin aktual të qeverisjes së Kosovës, duke e vlerësuar atë si një rrezik për arritjet e deritashme të vendit.
Në një reagim të gjatë në Facebook, ai shprehet se Kosova është në prag të humbjes së mbështetjes së partnerëve strategjikë, veçanërisht nga Shtetet e Bashkuara të Amerikës.
Kjo mund të ketë, sipas tij, pasoja katastrofike për vendin.
Haradinaj theksoi nevojën për forcimin e një alternative politike, që të sfidojë qeverinë aktuale të cilën e cilëson si “anti-shtet”.
